Што ли гледаат птиците кога летаат на небо над нас? Веројатно, тие се носат во воздухот, водени единствено од својот инстинкт, бидејќи издигајќи се високо, тие подобро ги гледаат работите кои се важни за нивното постоење – најчесто храна, засолниште или претстојна опасност.
За нас, нивниот лет ја симболизира слободата и ослободувањето од секојдневните грижи. И токму затоа често посакуваме да можеме да бидеме како птиците – да се издигнеме високо во небото, да се восхитуваме на градот и да погледнеме подалеку од било кој друг. Секој кој го правел тоа, на пример делтапланеристите, ќе потврди дека чувството е неверојатно и има енергизирачко дејство.
Дали е можно да се постигне ист ефект без прибегнување кон летачки средства? Како секојдневно да влечеме од овој огромен извор на духовна енергија и позитивизам? И каде ќе уживаме најмногу во ова чувство? Има решение кое се повеќе луѓе го – да живеат во поткровен дом.
Да живееш на “последниот кат”, “под покривот”, “под оџакот”, “меѓу гулабите” се ‘дефиниции, познати на сите нас со лесна негативна нијанса. Но, тие веќе даваат пат на нови дефиниции, изречени од модерни и независни луѓе кои се запознале со предностите на скосениот покрив и го опишуваат својот поткровен дом како “Моето гнездо”, “набљудувалницата”, “местото каде што се чувствувам слободен како птица” или “далеку од уличата бучава”, “блиску до природата”.
● Овие луѓе ги откриваат за себе неверојатните предности што може да ги обезбеди поткровјето:
● Поразиграна внатрешна распределба што му овозможува на човек да ја ослободи својата креативност во создавање на оригинален дом, кој целосно да одговара на неговите визии
● Пријатно чувство
● Повеќе добро расположение од глетките кои се откриваат од повисоките поткровја
● Удобност и добро расположение на пообилната светлина што продира низ кровните прозорци
● Повеќе креативна атмосфера, предиспонирачка кон нестандардни и ефективни решенија во нашата секојдневна активност
● Тишина и спокојство
● Неспоредлива романтика да се живее на еден покрив растојание од ѕвездите
Некој би приговорил дека не е сè така прекрасно во овие домови, но ние пак ќе одговориме дека градежната технологија е толку развиена, што може да се справи со било која непријатност што пристрасните луѓе би ја забележале.
Доказ за тоа е фактот дека иако традицијата на градежништвото во Македонија кое долго време ги неглижираше потпокровните пространства и ги осудуваше на заборав или негативен став, се повеќе нови згради нудат поткровни станови кои им овозможуваат на луѓето да живеат во дом, каков што секогаш сонувале. Покрај сето друго, тоа го менува градскиот пејзаж и внесува комплетно чувство за рамнотежа и хармонија на градот со природата.
Зголемен е интересот и кон куќи, во кои последните катови се целосно средени за живеење и секоја површина е корисна, за да можат жителите да се чувствуваат подобро, да имаат повеќе простор и да ја зголемат благосостојбата.
Современиот човек гледа многу практично на работите и не би ја заборавил можноста да ја прошири површината на домување, користејки го таванот.
Можностите на современите архитектура и градежништво овозможуваат многу храбри решенија кои ќе го трансформираат стариот таван во комфорно поткровје.
А вие некогаш сте размислувале ли дали би сакале да живеете над дневните проблеми и да сте слободни како птици?
