Без разлика дали се преселувате во некој друг стан или го редизајнирате оној во кој што моментално живеет, Вашите ѕидови може да ги декорирате без да потрошите многу пари. Секогап имајте во предвид дека украсувањето на ѕидовите не подразбира само поставување на рамки со слики. Треба добро да се размисли и за бојата, димензиите и оригиналноста на истите.
Добар начин за украсување на Вашите ѕидови се урамените детали. Побарајте големи огледала, постери или урамени слики по продавниците или пазарите. Изберете нешто што Ви се допаѓа а што ќе се вклопи во ентериерот. Мотивот не мора да го прекрива целиот ѕид, но е препорачливо да биде доволно голем за да привлекува внимание во просторијата. Може да урамите некоја Ваша фотографија од некое патување. Исто така на винил може да испечатите омилени цитати напишани со декоративен фонт и истите да ги залепете на ѕидот. Или да купите веќе готови стикери. Винилот убаво се лепи и одстранува од ѕидот со што ќе можете лесно да ги менувате цитатите на ѕидовите.
Полиците се интересно решение за декорирање на ѕидот. На тој начин може да направите креативен излог. Доколку немате пари за некои скапи полици од полно дрво, купете иверица. Ова е одличен начин да го промените изгледот на просторијата и периодично да ги менувате предметите кои се изложени. |
"ОМИЛЕНИТЕ ЦИТАТИ НА ЅИД"
Друг начин за украсување на ѕидовите се тапетите. Целиот ѕид или негов одреден дел може да го прекриете со тапети кои што одлично ќе се вклопуваат во ентериерот. Само не претерувајте со шаренила доколку веќе сте поставиле разнобоен мебел. Во тој случај залепете тапети во една или две нијанси. Доколку имате мебел без парени додатоци тогаш може да си поиграте и со тапети во повеќе бои.
Ѕидовите може да ги декорирате и необично – носија или кимоно заштитено со плексигас, чили, таписерија и слично оставаат интересен изглед на просторијата. Извадете ги Вашите стари инструменти. Закачете ја трубата, тамбурата, гитарата или виолината. Во комбинација со омилените тонови ќе игзледаат одлично. И за крај, уште една идеја за украсување на ѕидот. Камен или цигла на цел или дел од ѕидот остава ефект на стар, разрушен простор.
Извор: www.enterijer.ba
