Посакувате нова палета на бои за оваа пролет? Послушајте го советот на дизајнерите и внесете во домот нијанси на виолетова боја. Тие мислат дека оваа палета е идеална за изразување на пролетната сезона.
Во домот внесува софистицираност, разиграност и стил. Без разлика дали би се одлучиле за бојадисување ѕид во виолетова боја или веќе постоечкиот мебел го украсите со виолетови детали, ќе успеете да го оживеете просторот оваа пролет.
Можеби сте особа која преферира неутрален простор или пак ентериер со сјајни тонови, но виолетовата боја е онаа која има моќ да се истакнува во просторот.
Со мала доза на оваа боја се создаваат големи ефекти. Може да ја внесете како додаток – перница или некое уметничко дело – а е идеална за внесување топлина во спалната соба. Може да ги испробате и светлите нијанси на виолетова боја. Искомбинирани појаките нијанси на виолетова боја со бела или боја на лаванда го отстрануваат јакиот интензитет на оваа боја. Исто така интересна е комбинацијата со бојата на ментол. За спокоен животен простор одлучете се за комбинација на тонови на зелена нијанса – ментол или циклама боја.
Моќната виолетова боја е совршена за декорација оваа сезона. Ако сакате Вашиот простор да е во тренд, тогаш сконцентрирајте се на малите предмети. Едноставно променете го абажурот на Вашата лампа или додадете декоративни перници на Вашата софа. Креативната комбинација на малите детали во оваа силна нијанса на виолетова боја е сигурен начин да го украсите домот со оваа моќна боја а притоа да не претерате во украсувањето. Интересно би било доколку обичната тоалетна масичка ја украсите во шеврон шара во нијанси на виолетова и циклама боја. За да креирате мистичен и блескав изглед дозволете интензитетот на виолетовата боја да варира а користете ја црната боја за да ги разбиете сличните нијанси во просторот.
“ВИОЛЕТОВА БОЈА- КРЕАТИВНА ЕНЕРГИЈА, ПОЗИТИВНИ МИСЛИ И ЧУВСТВА”
Постојат доста интересни начини како виолетовата боја да ја искомбинирате со други нијанси. Светли тонови на смагардно зелена и тиркизната боја се интересни за комбинирање со виолетова боја во ентериерот. Бојата на орхидеите одлично се вклопува со силни тонови како и со неутралните тонови, како на пример со силна портокалова боја, или зелена боја со што би се создал ретро изглед.
Виолетовата боја е интересна за комбинирање со тиркизна боја или боите на морнарскиот стил со весели акценти на бојата на моќните орхидеи во дневната соба. Исто така одлично се комбинира со жолтата боја бидејќи е спротивна боја на виолетовата боја во спектарот на бои.
Комбинирањето на боите го освежува просторот а виолетовата боја е боја која што има тенденција да излегува и повторно да се враќа во мода. На виолетовата боја не може да гледаме само како на боја која го смирува просторот туку и како кралска боја. Секогаш треба да ја гледаме како боја со која што се нагласуваат деталите во просторот. Волетовата боја внесува креативна енергија во собата, привлекувајќи позитивни мисли и чувства. |
Извор: www.enterijer.ba
