Дневната соба е најпосетениот и најискористениот простор во домот. Токму затоа, секое парче мебел е подеднaкво важно. Што ќе Ви е приоритетно во дневниот простор зависи индивидуално во зависност од стилот кој го поседувате. Најважниот дел во дневната соба е гарнитурата чија инвестиција е најисплатлива со оглед на тоа што најчесто се користи. Во станови со помала квадратура идеално решение за дневната соба се комбинацијата на двосед/тросед или повеќе фотелји распределени соодветно кои се лесни за разместување.
Во однос на деталите добро е да се внимава на изборот на лустер или ламба, бидејќи се веднаш забележливи а оставаат впечаток за амбиентот и стилот на оној кој ја уредува просторијата. Телевизорот е фокус околу кој се поставува гарнитура, па притоа мора да се внимава на неговото позиционирање во однос на сончевата светлина. Задолжително треба да се избегнува директниот пад на сочевите зраци кон телевизорот. Следно на што треба да се внимава се изборот на бојата на ѕидовите и тапетите, бидејќи нивниот избор зависи од мебелот кој веќе е присутен во ентериерот. Најдобро е паралелно да се размилува по ова прашање.
Во однос на тапетите, најдобра опција е ограничување на истите на еден ѕид, избегнување на комбинации на различни видови тапети. Во дневниот простор исто така најчесто се сместуваат и одредени шкафчиња во кои дополнително се скалдираат одредени стаклени предмети и слично кои само дополнително го натрупуваат просторот. Подот е приказна сама за себе на која не и се посветува доволно внимание. Неговата важност е подеднаква со ѕидовите. Најчесто се донесува одлука за поставување паркет, а денес на пазарот може да се издвојат многу нови материјали кои подеднакво парираат со квалитет и естетика на паркетот. Подот мора да биде прилагоден на мебелот и останатите детали во просторот. Светлината исто така е доста важна за дневниот простор. Со помош на светлината се проширува или смалува одреден простор и се создава сосема поинаква атмосфера. Добро би било во дневната соба да има ламба која што создава услови за одмарање, читање книга или гледање филм. Завесите пак, имаат двојна функција. Покрај што се украс, спречуваат и продор на светлина кај прозорите кои немаат ролетни. Во овој случај, тие се задолжителни.
"СВЕТЛИНАТА ГО ПРОШИРУВА ИЛИ НАМАЛУВА ПРОСТОРОТ И ЈА СОЗДАВА АТМОСФЕРАТА"
Доколку сакате завеси со одредени детали треба да внимавате истите да се усогласат со деталите на тепихот или тапетите во просторијата. Тепихот исто така се избира во зависност од мебелот и тапетите во собата. Притоа треба да се внимава при изборот на материјалот и бојата на истиот. Поставените детали во дневната соба ја играат главната улога. Кога избирате масичка треба да внимавате со која цел ја купувате- дали ќе користи само за поставување на цвеќе и дневни весници, или масичка на која ќе може да ги послужите гостите во домот. Кога станува збор за цвеќа во домот бидете иновативни- искористете еден од ѕидовите за да го претворите во зелен жив ѕид.
Сликите и нивните рамки се еден од деталите кои може многу да променат во дневниот престој. Избирајте слики со одредена тематика при што ќе ги комбинирате со одредена композиција. Никако не ги поставувајте на ѕидови со тапети кои имаат шари. Во продолжение погледнете неколку дневни соби кои можеби ќе Ве инспирираат да направите промена во домот!
