Ви ги претставуваме најдобрите туш кабини кои одлично би се усогласиле во секое мало купатило. На своите корисници им помагаат да создадат модерен и свеж изглед. Еве неколку идеи за туш кабини чиј дизајн може да биде инспирација за Вас и Вашиот простор.
ТУШ КАБИНА СО СТАКЛЕНИ ПРЕГРАДИ.
Овие туш кабини имаат доста предности, а првa од нив е тоа што се секогаш шик и модерни бидејќи не се случува често некој материјал да биде модерен постојано како што е стаклото. Поради стаклените врати на туш кабината, овој туш остава впечаток како да не зазема воопшто простор и го прави просторот на тушот здружен со остатокот од просторијата што е доста важно за простории со мали површини. Стаклените површини поседуваат доста релаксирачки спа изглед кој може да Ви помогне да се опуштите по долгиот и напорен работен ден. Стаклото е идеален материјал за создавање интересно уреден простор кој со себе понесува одличен стил.
ТУШ И ПАРНА ПРОСТОРИЈА.
Туш кабините го изразуваат чувството на уживање како во спа центар и доколку ги поврзете со парна бања може да создадете свој сопствен спа центар. Искористете го најдоброто – се што е потребно е една клупа и место за седење, а доколку немате доволно простор може да искористите стол кој се расклопува. Местото за седење треба да одговара на стилот на купатилото, на пример ако е инспирирано од природата може да искористите голем камен како место за седење или да се определите за дрвена столица. Добро би било доколку сте во можност да оставите природна светлина преку мал прозор да продира во туш кабината.
“МЕРМЕР КАКО ДОДАТОК ЗА ЕЛЕГАНЦИЈА”
ОТВОРЕНА ТУШ КАБИНА.
Вашата туш кабина може да биде без врата и целосно отворена доколку за истата е потребно поголем простор. Ако поседувате доволно простор може да се опуштите и да креирате под или ѕидови во стил на спа центар од природно дрво или камен. Мермерот е луксузна алтернатива која нуди безвременски изглед и е совршена за туш кабини. Додадете зеленило или цвеќе во саксии кои се исполнети со песок за дополнителен елегантен изглед.
ПОЛУЅИДАНА ТУП КАБИНА. Вградувањето на стаклена туш кабина е далеку покомплицирано од полуѕиданата, а во некои случаи е целосно невозможна. Полуѕиданата туш кабина ќе биде екстензија на Вашето купатило, може да ја обложите со исти плочки и да додадете стаклен дел или да ја оставите онаква каква што е. Со оваа идеја ќе го задржите изгледот на купатилото надвор од туш кабината – суво и чисто.
Извор: www.dizajndoma.hr
