Во комбинација со розева и боја на малина со мебел од јавор или бреза дава романтичен изглед. Интензивните и драматични нијанси на зелена се користат за пространи кујни и купатила. Темно зелените тонови пак,оживеете ги со боја на јаболко или зелен лимон.
Сакате да го уредите домот во ретро стил?Помешајте топли тонови на бронза со цитрус-ПОРТОКАЛОВА боја. За да внесете повеќе енергија во домот употребете боја на мандарина со бела и нијанса на зелено јаболко. Пригушено ЖОЛТИ нијанси се за мали простории. Надополнета со боја на маслина,сива или окер се внесува егзотика во домот. Пастелно жолта боја ја освежува секоја просторија. Може да ја користите заедно со плава,сива или зелена нијанса. Темно портокалови тонови во комбинација со сиво-сина,зелена и боја на слива даваат впечаток на ракош и топлина.
"УПОТРЕБЕТЕ БОЈА НА МАНДАРИНА ВО КОМБИНАЦИЈА СО БЕЛА И НИЈАНСА НА ЗЕЛЕНО ЈАБОЛКО"
Светли нијанси на ЦРВЕНА,ЛИЛАВА И РОЗОВА боја се одлични за мали површини. Овие тонови предизвикуваат нервоза кај луѓето,па затоа треба да се комбинираат со бела боја. Егзотичност во домот се постигнува во комбинација на розова и портокалова или чисто бела боја,притоа користејќи ги овие бои како детаљ. Пригушени тонови на ЛИЛАВА боја комбинирајте ги со сребрена или црна боја.
Ѕидовите со боја на модар патлиџан,украсени со детали на светло сива боја создаваат смирена атмосфера.
