ТОАЛЕТНА МАСА – МЕСТО КАДЕ ШТО ДАМИТЕ ВЛАДЕАТ

  • 1

Главно место каде што се извршуваат сите женски ритуали, место каде што се е на дофат на раката и кое е драгоцено за дамите е тоалетната маса. Благодарение на генијалноста на многу дизајнери и нивните иновации, денес не само што е место за разубавување туку и простор со посебен печат во спалната соба. На дамите и нивната инспирација останува изборот на тоалетната маса затоа што тие се оние кои царуваат во тоа мало царство.

Тоалетната маса е софистициран декоративен додаток во просторијата. Силен барок, vintage, модерен, ретро, минималистички или било кој друг стил кој се преферира секогаш може да биде актуелен избор за тоалетна маса. Таа е задолжителен дел од декорот на спалната соба, иако не е редок случај да се најде во тоалетот, посебна соба или како дел од ходникот. Природни бои, драматични темни нијанси или најразлични материјали (стакло, метал, дрво) – изборот зависи од желбата да се усогласи со останатиот мебел во просторот или дали сакаме посебно да ја истакнеме во поглед на постоечкиот декор во ентериерот.

Денес, најчести се оние тоалетни масички кои носат дух од изминатото време и ја истакнуваат женственоста, поради што се така посебни и софистицирани во ентериерот на просторијата. Но и модерните тоалетни маси наоѓаат начини за елегантно да се усогласат во просторот за кој се предвидени.

"ТОАЛЕТНА МАСА- ЦАРСТВОТО НА ДАМИТЕ"

Како составен и неодолив дел од декорот на тоалетната масичка се секогаш ламбата, удобната столица и секако огледалото. Тоа создава илузија на широк простор и со интересни рамки или облик на самото огледало, само по себе е „must have” елемент. Со или без фиоки, изборот зависи од дамата која ќе го користи. Деталите како што се цвеќа, украсни кутии, шминки и парфеми даваат посебна магија на тоалетната маса и целокупниот амбиент. Накитот на различни држачи ако интересно се искомбинира со останатите детали е вистински начин дамата да ја нагласи својата љубов кон одреден стил кој што ќе биде видлив во целокупниот амбиент на спалната соба или тоалетот.

Со оглед на тоа дека тоалетната маса е и складиште, место каде што дамите чуваат доста ситници, потребно е да се направи вистинскиот избор на онаа тоалетна маса која што ќе одговара и практично и декоративно. Сето тоа зависи секако и од големината на собата, и доколку се внесува во ентериерот потребно е да се согледа како би се организирал просторот. Од практични причини се препорачуваат фиоки кои што се убави и практични, се со цел добро да се организира накитот и козметиката.

Извор: www.enterijer.ba

Compare listings

Compare