Малите промени во секојдневието во Вашиот дом не само што ќе го подобрат билансот на домашниот буџет туку и ќе го направат домот подобро место за живеење. Еве неколку едноставни совети за секоја просторија во Вашиот дом кои може да ги примените уште денес.
ВЛЕЗОТ ВО ДОМОТ.
Сијалиците кои ги користите нека бидат штедливи кои иако се поскапи од обичните сепак се покорисни. Освен што траат четири пати повеќе од обичната, штедливите сијалици трошат четири пати помалку струја. Тоа е плус за Вашиот дом и планетата земја.
Кога станува збор за КУЈНАТА која што е најголемиот потрошувач на енергија во домот препораките за заштеда на енергија се следни. При купување фрижидер, шпорет или машина за перење купете модел кој најмногу штеди енергија. Иако ќе биде поскап, сепак долгорочно ќе се покаже како подобра инвестиција, така што сметките за струја ќе бидат многу помали. Готвењето освен што е забавно и релаксирачки, може да биде и економично. Доволно е само да ставите капак на тенџерата додека готвите. Со овој потег сте заштедиле енергија дури и до 30%. Исто така важно е да не ја држите вратата на фрижидерот отворена подолго време отколку што е потребно. Доколку не е неопходно не ги поставувајте шпоретот и фрижидерот или замрзнувачот еден покрај друг. При миење садови може да заштедете енергија така што машината за садови ќе ја користите само кога ќе биде наполнета.
"ЗАМЕНЕТЕ ГИ ОБИЧНИТЕ СИЈАЛИЦИ СО ШТЕДЛИВИ"
Телевизорот, музичкиот апарат и компјутерот нека не бидат постојано уклучени, дури и кога во Вашиот ДНЕВЕН ПРОСТОР нема никој. Исклучете ги овие апарати затоа што трошат помеќу 10% и 60% од целокупната енергија дури и кога се на “stand by” опција.
Потрошувачи на енергија во КУПАТИЛОТО се бојлерот и машината за перење/сушење облека. Користете ги во интервали на ефтина струја, а машината за перење само кога ќе биде наполнета. Користете прашак за перење кој одговара за перење на ниски температури и економични програми. Потрошувачката на вода исто така може да ја намалите со туширање наместо капење во полна када затоа што на тој начин трошите дупло повеќе вода.
Извор: www.kucastil.rs
