Пред започнување на грејната сезона добро е да се направи припрема на просторот во кој се престојува со цел да се заштеди енергија а со тоа и да се намалат трошоците во буџетот. Еве неколку корисни совети како правилно да се заштити домот од прекумерното трошење енергија и нејзиното неправилно искористување.
1. За да се намалат големите топлотни губитоци добро би било да се постават внатрешни или надворешни ролетни кои би се спуштале во текот на ноќта или завеси преку кои би се дозволил продор на сонце преку ден со што би се намалил губитокот на топлина особено ако нема затоплување во просторијата преку ноќта. Изолирајте ги прозорците и вратите. Купете самолепливи гумени траки кои ќе ги залепете на внатрешните делови од прозорите и вратите. Притоа внимавајте – најпрво исчистете ја површината на која што ќе ги залепите траките. Може да користите и пур пена за пополнување на мали простори како отворите за струја, кабли и слично а кои неосетно се причинители на губиток на топлина.
2. Мебелот и завесите не треба да се наоѓаат директно пред радијаторот. Доколку се наоѓаат пред радијаторите спречуваат топлината да навлезе низ просторијата. Со тоа вентилот на радијаторот мора да биде отворен повеќе за да се постигне посакуваната температура во просторијата. На тој начин се зголемува температурата позади грејното тело и доаѓа до губиток на топлината на тоа место.
"МЕБЕЛОТ ПОСТАВЕН ПРЕД РАДИЈАТОР ВО ДОМОТ СПРЕЧУВА ПРОДОР НА ТОПЛИНА"
3. Правилно проветрување на просторот. Не ги проветрувајте просториите така што прозорот ќе го оставате на кипање. На овој начин неприметно константно се губи топлотна енергија. За да се задоволат неопходните услови на воздухот а да се зачува топлината и комфорот во просторијата најдобро е нејзино почесто и пократко проветрување со целосно отворање на прозорите.
4. Спречување на појава на настинка. Во одредени простории во домот како кујната и купатилото постојано е присутна голема концентрација на водена пареа, па затоа е потребна соодветна вентилација. Со инсталирање на едноставни механички системи како аспиратор, вентилатор проблемот е решен. Доколку облеката не може да се суши на тераса туку во домот, задолжително е често проветрување.
