ПРИМЕНА НА СОДА БИКАРБОНА ВО ДОМАЌИНСТВО

  • 1

Сода бикарбоната е бел кристален прав кој што наоѓа широка примена во готвењето, медицината и чистењето.

Ако се прашувате како порано луѓето ги одржувале своите домови чисти пред да се појават индустриските средства за чистење, одговорот се наоѓа во паковањето во кое се наоѓа овој чудесен прав. На пример, со сода, еднаш месечно, додавајќи неколку капки лимон може да ги миете забите а резултатот ќе биде побели заби. Може да ја користите и како дезодоранс- нанесете под пазуви и непријатниот мирис ќе исчезне. Лажица сода бикарбона може да ве спаси и од тегоби на желудникот. Добро е да знаете дека помага и при убод од комарец. Еве неколку примени на сода бикарбоната.

Со нанесување на сода бикарбона на влажна крпа може да го исчистите фрижидерот од внатрешната и надворешната страна. Потоа доволно е да го измиете со обична вода. Исто така доколку чувате сода бикарбона во мал сад во фрижидерот кој ќе го менувате на секои 2 месеци со сигурност ќе се ослободите од непријатната миризба од намирниците во фрижидерот. Сода бикарбоната може да се користи и за чистење на рерната. Доколку станува збор за рерна која не се одржува редовно треба да се направи следно: навлажнете ја рерната и нанесете слој сода од страните и на дното и оставете да одстои 2 часа. Потоа испрскајте ја рерната со алкохолен оцет кој ќе го оставите уште неколку часа. На крај измијте со обична вода. Ако станува збор за рерна која редовно се чисти доволно е по секоја употреба да ја избришете внатрешноста со влажна крпа на која е нанесен лимон, оцет или сода бикарбона. Работата ќе Ви се олесни доколку на дното од рерната редовно имате алуминиумска фолија која што ќе ја менувате на одреден период откако ќе се извалка.

Подот од керамички плочки може да го исчистите со топла вода во која што сте разредиле пола шолја сода бикарбона. За да добиете пријатен мирис може да додадете сок од лимон или неколку капки етерично масло. Мермерните површини може да ги исчисите со растопени 3 лажици сода бикарбона во 1 литар топла вода. Сода бикарбоната може да ја додедате и во средството за машинско миење садови. Непријатниот мирис на кантата за ѓубре може да го одстраните така што на дното под кесата која ја поставувате во кантата ќе истурите сода бикарбона. Непријатниот мирис пак во шишињата за вода, како термос и слични се одстранува со помош на сода бикарбона и вода.

"СОДА БИКАРБОНА ЗА ТЕГОБИ ВО ЖЕЛУДНИКОТ"

Туш кабината, кадата, лавабото или ВЦ школката едноставно може да ги чистите со растворена сода бикарбона. Чешлите и четките може да ги исчистите доколку ги оставите во сад со сода бикарбона и малку шампон најмалку половина час. Исто така сребрени предмети може да се полираат со сода бикарбона нанесена на влажна крпа. Доколку сакате да ја одстраните непријатната миризба од чевлите доволно е да ставите сода бикарбона во некој чорап или ткаенина кој ќе го оставите некој период во чевлите. Ова може да го сторите и со облеката во плакарот. Внатрешноста на гардероберот може да ја исчистите со мешавина на една лажица сода бикарбона, пола шолја оцет и 3 литри топла вода.

Извор: www.enterijer.ba

Compare listings

Compare