Ламинатот е популарен веќе неколку децении па може да се каже дека го превзема приматот кога станува збор за уредување на станбен или работен простор. Оваа функционална подлога настанала во Шведска во далечната 1984 година и постојано се усовршува. Денешните ламинати ги исполнуваат барањата на модерниот купувач кој сака фунцкионалност, удобност, едноставност во поставување како и ефтина подна облога.
Голем избор на дезени
Сигурно се случило да влезете прв пат во некоја просторија и да забележите колку е убав подот, интересен и како ја освежува просторијата со својата боја и дезен. Знаете дека најчесто станува збор за ламинат.
Ламинатот може да се најдe во голем број дезени кои се имитација на различни видови дрва, бродски под, мермер или керамички плочки. Покрај имитацијата на дрво, тука е и посебната нијанса или изработка која дава шарм на оваа подна облога. Поради големиот број дезени, ламинатот е погоден за секоја фамилија. Дизајнерите на ентериери го сакаат затоа што е погоден за комбинирање со други материјали и форми.
Голема отпорност на удари
Производството на ламинати во денешно време е толку усовршено што плочите денес се добиваат по пат на ламинација(спојување) на неколку квалитетни материјали. Станува збор за дрвени влакна, смола, лепаци и специјални супстанции кои му даваат висок сјај и цврстина.
Високата отпорност на завршниот слој е одговорна за цврстината на ламинатот како и неговата оспорност на удари и гребење. Затоа векот на ламинатот е долг.
Дебелината на ламинатот варира од 2 до 20 милиметри, кои се одразуваат на неговата издржливост. Во споредба со своите најголеми конкуренти паркетот и бродскиот под, ламинатот не бара никакво освежување во вид на стружење и лакирање.
Лесно одржување
Ламинатот многу лесно се одржува, со бришење со сува или водена крпа, без абразивни средства за чистење. Тоа значи и заштеда, бидејќи нема потреба од купување средства за одржување на хигиената. Треба да се внимава на влажноста на воздухот во просториите во кои е поставен, бидејќи во периодот на грејната сезона може да дојде до негово собирање. Затоа е потребна одржување на влажноста на воздухот во тој период од годината. Иако површината на ламинатот е водонепропуслива, на спојките помеѓу ламинатните плочи водата може да пробие до подлабоките слоеви. Затоа не се препорачува користење на премногу вода за чистење на ламинатот.
Едноставно поставување
Често кажуваме дека убавината е во едноставноста. Тоа најмногу доаѓа до израз кога станува збор за ламинатот. Ламинатот се поставува едноставно со помош на клик системот. Тоа значи дека ламинатните плочи се спојуваат со вовлекување на краевите на соседната плоча. Така поставени се стабилни и не се мрднаат кога се газат или преместуваат предмети над нив. Покрај ламинат, купувачот мора да обезбеди специјално рамна подлога на која ќе се постави ламинатот, за на крај да се постават лајсните покрај ѕидовите. Поради тоа што ламинатот е лесен за поставување, нема потреба од ангажирање мајстори – сами може да го поставите за неколку сати. Кога ќе посакате пможе да го преместите во друга просторија.
Добра цена
Она што ги радува луѓето кои реновираат стан или куќа е поволната цена на ламинатот. Тој е неколку пати поефтин од прва категорија паркет. Затоа неговата популарност порасна од самото настанување. Не бара вложувања како лакирање или стружење, со едно поставување тој трајно останува прекрасен. Цените варираат во зависност од произведувачот.
Извор: http://www.kucastil.rs
