Употребата на пастелните бои во домот не е само тренд. Преку смирувачките тонови на пастелните бои се создава мир во домот кој што се нарушува преку брзото и стресно темпо на денешницата.
Палетата на бои може да биде доста широка, од лесно жолта и портокалова боја, светли тонови на сина, зелена, сино – сива, крем – сива, виолетова, нежно тиркизна боја..Најчесто се нарекуваат и суптилно ладни бои, односно наговестуваат мир и одмор во просторијата во која владее спокој и одмор за очи и душа. Складните комбинации на пастелни тонови и мебел и осветлување го прават амбиентот да изгледа свежо, ново и магично. Лесен, суптилен додаток на пастелни нијанси создава дом со стил. Тоа е и основната и најголема заслуга на пастелните бои.
Нежните нијанси, создаваат одлична тема за сите мали простории и станови. Имаат тенденција на создавање илузија за поголем простор. Така, за мали простории како што е влезот односно ходникот, мал тоалет или мала детска соба се препорачуваат пастелни тонови кои визулено го “отвораат” просторот. На овој начин се создаваат јасни и чисти ентериери, па затоа се избираат нежни тонови на лаванда или лесно зелена боја.
"ПАСТЕЛНИ БОИ ЗА МИР ВО ДОМОТ"
Со пастелните тонови е доста популарен и vintage стилот. Стил кој плени со својот “истрошен” изглед на ентериер, шик, стари, реновиран мебел или нов кој е дизајниран да изгледа како стар. Со употреба на доминантно бела и пастелни бои, сиви нијанси на старо дрво и доста детали се создава шармирачка атмосфера на француска провинција, селски ентериер но во нов дизајн. Vintage стилот е доста популарен денес и незаменлив без пастелни тонови.
Со детали со нежни нијанси, ѕидови и мебел кој не мора да биде темен и масивен се персонализира личниот простор и се уредува ентериерот кој често се вели дека се претвора во дом. Неформална, опуштена атмосфера и мир се загарантирани со уредувањето на домот во пастелни бои.
Извор: www.enterijer.ba
