Црните лампи внесуваат елеганција и софистицираност во домот. Често неправедно запоставени, пријатно ги изненадуваат оние кои што се решаваат за нивно внесување во домот изгледајќи сјајно и беспрекорно во ентериерот. Одлични за современ, модерен и традиционален стил, нежни и ненаметливи.
Директно и силно осветлување не е она што треба да го очекувате од лампи чија површина на абажур е во црна боја. Црната како неутрална боја, поставена околу сијалицата создава меко, срамежливо светло, давајќи и на просторијата топлина, а на вас смирувачки простор. Изгледа како совршена сценографија каде што сите би посакале да играат главна улога во долгите и ладни зимски ноќи. Со оглед на светлината која ја овозможуваат, овие ламби се најдобри за во спалната соба поставени на ноќните масички покрај креветот. Просторијата во која што спиеме има потреба од такво дискретно осветлување.
Меѓутоа, спалната соба не е единствено место во кое што црната ламба добро изгледа. Ако ја поставите во дневниот простор на комодата или масичка покрај софата или удобна фотелја, ќе го направите ентериерот богат и раскошен. Благата светлина која што оваа ламба ја шири кога ќе ја запалите во вечерните часови ќе одговара на вапшите уморни очи, особено кога е уклучен и телевизорот. Нејзината притаена светлина е идеална за прикривање на недостатоците како оштетувања на мебелот, избледувањето на бојата и слично. |
"СПОРЕД КИНЕЗИТЕ ЦРНАТА БОЈА ДАВА СИЛА"
Убави и традиционални, овие ламби често се поратуваат до билки во бела или беж боја иако лесно се вклопуваат со било која друга боја. Без разлика на бојата која доминира во просторот, оваа ламба совршено ќе се вклопи.. Неутралноста и ненаметливоста на црната боја внесуваат хармонија и рамнотежа во природно светла соба. Кинезите веруваат дека црната боја припаѓа на елементот вода и претставува сила која што е добро да се внеси во домот во мали дози.
Многу ламби со светли абажури доколку ги прекриете со марами во темна боја создаваат интересна атмосфера. Тоа е она што го овозможуваат црните ламби – светлина исполнета со мистерија и драма. Притаена светлина која повикува на дом, опуштање, љубов и романтика. Како да и оддолеете?
Извор: www.enterijer.ba
