10 НАЧИНИ ДА КРЕИРАТЕ ИЛУЗИЈА НА ПОВИСОК ПРОСТОР

  • 1

Нискиот таван предизвикува во просторијата да се чувстувате стуткано и заробено, но често не постојат услови за поголеми промени во ентериерот. Меѓутоа со неколку трикови може да ја “излажете“ реалноста и да создадете чувство на поголема висина без реновирање на таванот. Во продолжение следат неколку начини како да го промените ентериерот и од мал простор да создадете поотворен и попријатен.

ПОЛИЦИ. Користејќи отворени полици кои се протегаат до таванот го одвлекувате погледот нагоре и креирате илузија за поголема висина.

КУЈНСКИ ОРМАРЧИЊА. Најдобар начин за Вашата кујна да делува поголема е доколку ги поставите ормарите до таванот. Дури и да не ги користите инвестицијата ќе биде вредна поради естетскиот ефект.

БОЈАДИСУВАЊЕ. Со бојадисувањето на ѕидовите и таванот во иста боја се губи јасната линија каде завршуваат ѕидовите а каде започнува таванот. Доколку сметате дека бојата на ѕидовите е претемна за таванот осветлете ја за 50% и нанесете ја на таванот.

ЗАВЕСИТЕ помагаа во создавање одличен визуелен повисок изглед на таванот во просторијата. Се што треба да направите е да ги закачете директно на таванот а вертикалните набори додатно ќе ја нагласат висината.

"ВЕРТИКАЛНА ДЕКОРАЦИЈА - ИЛУЗИЈА НА ПОВИСОК ПРОСТОР"

Користете ОГЛЕДАЛА колку што е можно повеќе. Тие внесуваат поголема светлина и создаваат илузија на поголем простор. Друг начин со кој може да го направите повисок просторот е да го опремите со НИЗОК МЕБЕЛ, како софа или фотелја со низок наслон. 

Кога сме кај мебелот и додатоците, ВЕРТИКАЛНИ ЅИДНИ ЛАМПИ се идеални за мали простории. Тие ја нагласуваат вертикалата и светлоста која што ја праќаат нагоре и долу ги залажуваат очите правејќи го просторот поголем и повисок.

РАСЧИСТЕТЕ ГО НЕРЕДОТ. Избегнете го поставување на премногу мебел во просторија со низок таван затоа што само го акцентираат уште повеќе чувството на заробеност во просторијата. 

ВЕТРИКАЛНА ДЕКОРАЦИЈА на ѕидот е идеална за ниски простории. Тапети со вертикални линии или рециклирани дрвени штици поставени вертикално визуелно го прават просторот повисок. 

Еден од најефективните начини за создавање визуелно повисок простор е поставувањето на ВРАТИ ДО ТАВАН и проширувањето на влезот помеѓу просториите. Сличен ефект се постигнува и со прозори над врата.

Извор: www.kucastil.rs

Compare listings

Compare