10 идеи за декорирање на поткровје пред Нова година!

  • 1

Зимските празници се период кој е наменет за украсување на домовите, сопствениците на поткровјата можат да ги започнат своите креативно-имагинативни мисли во главата, бидејќи честопати просторот што го имате на располагање ви го дозволува и го бара тоа од вас. За среќа, имаме прозорци што можеме максимално да ги користиме за овие празнични цели, без страв дека ќе зафатиме или узурпираме функционален простор и дека декорациите би ни сметале и би се удирале од нив се до 15 јануари. Денес ќе споделиме со вас неколку идеи кои ќе ви помогнат подобро да ги декорирате кровните прозорци на поткровјето, а со тоа и целиот изглед на поткровјето, во коментар можете да ни пишете на кои идеи вам ви текна!

1. Украси од оригами

Кога станува збор за украсување, оригамите секогаш ќе го најдат своето место во нашиот вокабулар и предлози. Можете да ја искористите оваа можност да повикате деца, да ги научите да прават убави украси на пример од Дедо Мраз. Сигурни сме дека оваа активност ќе им се допадне, а вие ќе добиете украси од оригами, кои се многу декоративни и модерни.

2. Колачи, искористени како декор

За време на новогодишните празници, обично подготвуваме богат но и вкусен оброк. Можете да направите мали новогодишни колачи, кои ќе ги украсите, а потоа со нив ќе го украсите вашиот дом и ќе добиете неверојатна атмосфера.

3. Користете суво овошје и цвеќе

Покрај вкусните колачи, не заборавајте и на суво овошје и цимет.
Ништо не може да се спореди со пријатното чувство кога влегувате во домот и чувствувате празнични, зимски мириси. Одеднаш, работите се подобри отколку пред да влезете во вашиот дом!
Обидете се да направите венец од суво овошје и цимет и да го обесите пред вашиот прозорец. Можете да користите портокали, јаболка, лимони, лимета или кое било друго ваше омилено овошје.

4. Новогодишни и божиќни венци

Нема Нова Година доколку нема елка, а и венците можат да бидат и прекрасен украс во вашиот дом. Поставете ги на прозорците или закачете ги на влезната врата, тие ќе ги израдуваат вашите гости и ќе донесат празничен дух во вашиот дом.

5. Направете снегулки

„Нека врне многу снег“, дури и ако нема снег! Доколку немате среќа да уживате во белата зима, направете си сами снегулки. Едноставно е и забавно. Можете да ги залепите на прозорецот, а исто така можете да направите и големи бели снегулки кои ќе бидат главна декорација во вашиот дом.

6. Стаклени орнаменти и sвончиња

Нека започне магијата! Создадете чудесен декор со стаклени украси, новогодишни топчиња и sвона за да го подобрите изгледот на вашите прозорци.

7. Направете уникатен календар

Часовникот отчукува, деновите минуваат и сите со нетрпение ја очекуваат Новата Година. Направете календар и ставете го на прозорецот. Можете да користите мали бели вреќички кои ќе ги повлекувате и отстранувате секој ден се до новогодишната ноќ. Поставете го ова пред вашиот прозорец и пресметувајте ги деновите полесно и забавно.

 

8. Украсете ги прозорците со панделки и лампиони

Никогаш не заборавајте на ова, панделките се секогаш добри сојузници кога работите на проект „новогодишно украсување“. Можете едноставно да поставите украсни ленти, панделки или лампиони пред вашиот прозорец, можете да ги користите и поставувате на завесите, или постапете со нив онака како што ќе ви текне во моментот – секогаш ќе има ефект.

9. Користете гранчиња

Гранките секогаш даваат интересна и една посебна драматична нота. Поставете една од нив покрај прозорецот и ќе видите колку лесно можете да ги освоите срцата на вашите гости.

10. „Засадете“ шишарки

Ова е една од наједноставните и најевтините идеи за украсување. Земете празна саксија, малку хумус и борови шишарки. Потребни ви се 5 минути. “Засади” ги шишарките и украси го садот со мов. Ставете ги саксиите до прозорецот. Можете и да ги обоите шишарките во зелена боја и да ги претворите во мали украсни новогодишни елки!

https://www.moetopotkrovje.mk/soveti/10-idei-za-dekoriranje-na-potkrovje-pred-nova-godina/

Compare listings

Compare