Внимателно избраниот килим не е само украс на подот во просторијата, тој внесува топлина, заштита на подот, овозможува звучна изолација и визуелно ги поврзува елементите во просторот. Денес, на пазарот може да се набават килими со различни димензии, боја и облик кои задоволуваат сечиј вкус и се усогласуваат со секаков стил на ентериер.
При изборот на килим мора да се внимава на бојата во просторијата. Во предвид треба да се има бојата на ѕидовите и мебелот па таа боја да биде застапена на килимот како истиот би се вклопил во ентериерот. Зебрастите килими уште од нивното појавување па до ден денес се во мода, а најдобро изгледаат во модерно уреден ентериер. Освен вечните, класични килими како ориенталните кои никогаш не излегуваат од мода, денес во тренд се еднобојните килими со реси. Од друга страна, шарените плетени килими внесуваат младалачки дух и атмосфера на разиграност во просторот. |
Во однос на големината на килимите, килимите со мали димензии изгледаат мизерно додека преголемите визуелно го загушуваат просторот. Килимите под масичката во дневната соба треба да се протегаат помеѓу софата и фотелјите. За одделените шкафови се препорачуваат мали килимчиња.
"ШАРЕНИ КИЛИМИ ЗА РАЗИГРАНА АТМОСФЕРА"
Доколку имате кружна масичка, отоман и слично, најдобро би било да поставите килим под нив со истиот облик. Истото важи за четириаголни килими кои одговараат на класичен облик на мебел. Кога станува збор за спалната соба во која е сместен голем кревет во средината може да се изведат две варијанти: поставување две мали килимчиња од страните на креветот или еден поголем кој што во мал дел ќе биде поставен под креветот. Така просторот ќе делува поврзан. Трета опција се килимите со неправилни димензии како овча или кравја кожа кои што изледаат префинето и одговараат на сите простории. Интересно изгледаат во комбинација со голем едноставен килим под нив.
Дополнителни совети:
Секогаш вложувајте денар повеќе при изборот на добар килим. Убавиот килим е нешто налик уметничко дело, се пренесува од генерација на генерација, па освен основната функција има и сентиментална вредност. Добриот волнен килим со тек на времето изгледа се подобро како и стариот мебел.Килимите не се вклучуваат во производи од ефтина категорија, нивната цена зависи од големината, дали станува збор за килим од рачна изработка, боењето како и густината. Ако првенствено сакате топлина и удобност без други додатоци, размислите за килим кој ќе се простира низ целата површина на просторијата. Ако сте загрижени за одржување – добар избор се шарените дезени, но имајте во предвид дека најелегантните килими се еднобојни. Во просториите како дневната соба каде што движењето е често, добро би било да ги фиксирате килимите со трака која ќе го задржува на едно место.
