Сакате да го уредите домот на уникатен начин, со парчиња мебел кои сте ги дизајнирале на свој начин и по свој вкус? Се што Ви е потребно се неколку гајби кои се користеле за складирање овошје и зеленчук. На овој начин не само што ќе се забавувате туку и ќе заштедите пари.
Дрвените гајби може да се трансформираат на различни начини во фантастични парчиња мебел. Доколку сте планирале да купувате нова табуретка, шкаф во кој би ги оставиле Вашите чевли, полица за книги, кутија во која би складирале весници,масичка за во дневна соба и слично искористете ги старите гајби така што овие предмети ќе ги изработите сами. |
Со гајби може да се снабдете од локалните продавачи на овошје и зеленчук или пак да ги купите од продавници кои ги продаваат истите по поволна цена.
"ГАЈБА...ТЕКСТИЛ, СУНЃЕР, КОНОП...И ВАША КРЕАТИВНОСТ!"
Гајбите може да ги искористите на многу начини. Пред да започните со реазлизација на Вашата замисла, погрижете се дрвото добро да биде заштитено така што ќе го премачкате со заштитен лак за дрво а потоа ќе го бојадисате во некоја боја. |
Во зависност од тоа што го имате замислено,односно што всушност сакате да направите од обичната гајба ќе бидат потребни додадни елементи како ногалки,текстил,сунѓер, коноп…Со нив може да се снабдете така што ќе ги искористите веќе постоечките материјали кои ги имате во домот. Составете ги елементите, бојадисајте ги гајбите. Експериментирајте, реализирајте, забавувајте се! Освежете го Вашиот дом или градина.
