ФОТОТАПЕТИ ЗА КРЕАТИВЕН ДОМ

  • 1

Сакате да освежите некоја од просториите во домот? Направете го тоа на наједноставен начин- изберете фототапет со одредена илустрација и мотив.

Најчесто фототапетите се користат во детската соба, дневната и трпезаријата. Можете да ги пронајдете во стандардни димензии или да ги порачате според одредени точни димензии на ѕидот. Начинот на лепење на фототапетите е малку покомплициран од лепењето на стандардните тапети , грешките мора да се минимизирани поради што добро би било да ја препуштите оваа работа на стручно лице. Секој тапет има симболи и ознаки кои мора да се следат при поставувањето на ѕид. Најпрвин потребно е да се припреми подлогата. Ѕидот на кој се лепи тапетот мора да биде сув, чист, рамен и исчистен од претходните тапети. Најдобро е подлогата да биде бојадисана во бела или некоја неутрална боја за да не прозира низ тапетот.

Редоследот на поставување на тапетите е следен- исечете ја одмотаната ролна на означените места. Секој исечен дел на тапетот има ознака на самиот врв, број кој покажува на редоследот на лепење. Измерете ја ширината на ролната и пренесете ги вредностите на ѕидот. Фототапетите се поставуваат на ѕидот во правец на стрелките на часовникот што значи дека се лепат од лево кон десно. На претходно обележаното место нацртајте вертикална линија која што ќе служи како правец за поставување на тапетите. Важно е првиот тапет да биде поставен под прав агол затоа што наредниот тапет го следи правецот на секој претходен. Нанесете лепак на ѕидот во тенки слоеви со помош на четка и валјак.

"ПРВИОТ ТАПЕТ МОРА ДА БИДЕ ПРАВИЛНО ЗАЛЕПЕН "

Се препорачува лепење на три слоеви фототапети во истовреме со цел лепакот да не се засуши. Откако ќе го поставите тапетот на местото притиснете користејќи мека чиста крпа. Со помош на гумен валјак израмнувајте ги тапетите и одстранете го вишокот воздух од истите. Повторувајте ја постапката и за наредниот фототапет. Вишокот на лепак одстранете го со мека крпа или сунѓер, но немојте да гребете. Одстранете ги краевите од тапетот со помош на скалпел, доста внимателно за да не дојде до цепење на тапетот. Најважно е истиснувањето на вишок на воздух од тапетите поради тоа што и најмала влажност или топлина може да предизвика отварање на слоевите.

На овој начин просторот во кој престојувате ќе биде поинтересен, уникатен и несекојдневен. Вклучете пејзаж од природа, планина, плажа во Вашата дневна соба или мотиви од некој град во трпезарискиот простор. Во продолжение следат неколку идеи за фототапети.

Compare listings

Compare