5 ЕЛЕМЕНТИ НА ФЕНГ ШУИ ЗА ПОДОБРА ЕНЕРГИЈА ВО ДОМОТ

  • 1

Во трката на животот сè почесто сме под стрес и не наоѓаме време и начин да се опуштиме. Блокираната енергија во домот уште повеќе придонесува за зголемување на стресот, па иако најдобриот лек е одморот, во дом во кој нема добар проток на енергија, и одморот не е ефикасен. Токму тука на сцена стапуваат петте елементи на фенг шуи кои играат голема улога во создавањето слободен проток на енергијата. Дрво, оган, земја, метал и вода – тоа се петте многу важни елементи кои дејствуваат одделно, но и се надополнуваат еден со друг за да се постигне оптимален проток на енергијата. Што треба да направите? Преку одредени предмети или бои овие елементи лесно се внесуваат во домот.

ДРВО – симболизира раѓање, интуиција, креативност, сила, флексибилност. Домот во кој има недостиг од овој елемент може да предизвика депресија и недостаток на креативност. За да ја почувствувате моќта на овој елемент, доволно е да имате некое растение, дел од мебелот изработен од дрво, украси од дрво и слично.
ОГАН – го зголемува ентузијазмот, инспирацијата, смелоста… Недостатокот од овој елемент предизвикува емоционално студенило, недостаток на визија и самопочитување. За да го внесете овој елемент во домот, најдобар начин е да ја искористите природната светлина, да ставите свеќи и силно осветлување, а може да го внесете и преку црвената, розовата или виолетовата боја.

ЗЕМЈА – влијае на физичката сила, хармонијата и стабилноста. Доколку има недостаток од овој елемент може да дојде до неорганизираност, па и вистински хаос во домот. Зелената, кафеавата и бојата на песок се боите преку кои овој елемент ќе биде застапен во домот. Може да го внесете и преку слики со пејзажи, како и предмети со квадратна или правоаголна форма.

"Дрво, оган, земја, метал и вода"

МЕТАЛ – многу е важен за ментална јасност, логично размислување, праведност, организација и аналитички способности. Внесете го преку кружни или овални предмети направени од некој метал, камчиња или предмети со сива, бела или сребрена боја.

ВОДА – овој елемент е поврзан со духовноста, емоциите, инспирацијата и мудроста. Ако има недостаток од овој елемент, може да доведе до осаменост, изолација и стрес. Внесете ја водата преку сината и темно сината боја, огледала, предмети со неправилна форма и некој аквариум или малечка фонтана. При внесувањето на петте елементи многу е важно да не се претера со нивната застапеност во домот, за да не се добијат спротивни ефекти. Обидете се приближно подеднакво да ги застапите сите 5 фенг шуи елементи.

Извор:www.mojportal.mk

Compare listings

Compare