ЕНТЕРИЕР ИНСПИРИРАН ОД ОКЕАНОТ

  • 1

Љубителите на морето, океанот, убавината на сината боја и свежината на истата може да ја задржат преку целата година во својот дом. Не станува збор само за сината боја, тука се вклучуваат и голем број детали кои што го прават поразличен и поубав просторот кој го живеете.

Океанот од секогаш бил вистинска и интересна инспирација. Од уметниците некогаш, па до дизајнерите денес – моќни пространства прекриени со вода и бранови истовремено возбудуваат и смируваат. Всушност тоа е и една од причините што голем број светски дизајнери во уредувањето на ентериерот се обидуваат со палетата на сини бои и детали кои одговараат на истата а го доловуваат чувството на присутност на океанот во домовите ширум светот.

ФОРМА И УБАВИНА НА ДЕТАЛИ. Она што подразбира детали поврзани со океан и морските длабочини се школките. Школките како свеќници или вазни украсени со истите, кутии за накит, разнобројни облици како срце од ситни школки и предмети како макети на бродови го освежуваат просторот. Постојат многу варијанти на кои може да се фокусирате, но најважниот е личното чувство. Често овие детали се носат од одмор како спомени на посетените простори.

"ШКОЛКИ, МАКЕТИ ОД БРОДОВИ, КУТИИ ЗА НАКИТ - ДЕТАЛИ"

БОЈА И АКЦЕНТИ. Сите нијанси на сина боја во комбинација со бела и некои потемни тонови го создаваат ефектот – океан. Ова е најсигурниот начин да „водени“ моменти заблескаат со полн сјај во вашиот дом. Јаките контрасти на сино- бело може да бидат исполнети и со орнаменти како бранови, корални гребени, морски алги, камења и сл. Акцентирањето во вид на чинии, чајници, завеси, лустер, тепих или перници со морски детали се непропустливи доколку се следи овој стил. Тапети и фототапети во спалната или детската соба го довикуваат океанот лесно и едноставно, а овој стил особено се препорачува за детска соба со што ќе ги воодушевите вашите малечки со ентериерот во морнарски стил.

СВЕЖО ПРИДВИЖУВАЊЕ НА ПРОСТОРОТ. Ова придвижување се чувствува особено ако сте и во сама близина на океан или море. Меѓутоа, подеднакво важно, доколку се одлучите за овој чекор за почеток e да го внесете во еден дел од просторот, па потоа да го проширите на остатокот од ентериерот.

Извор: www.enterijer.ba

Compare listings

Compare