Зимата е на прагот. Сеуште не сте спремни да ја пречекате во затоплен дом? Што чекате? Доколку се греете на дрва или јаглен, голема е веројатноста да сте снабдени со доволната количина огрев кој најверојатно сте започнале да го користите.
Изолацијата на вратите и прозорите е доста важна кога станува збор за топлина во куќата или станот. Ако прозорите се стари би требало да размилисте за нивно променување, но бидејќи тоа бара финансиско вложување, може да се одлучите за други решенија. Едно од нив е изолација на прозорите со помош на дихтунг-гумена трака. Оваа трака може да се купи во било која продавница за бои и лакови.
Траката има самолеплив дел кој лесно се нанесува на критичните делови од прозорот. Не е скапа, а лесно ќе заврши работа. Ова можеби е и наједноставното и најефтино решение. Доколку прозорите се во навистина лоша состојба, траката може нема да помогне, меѓутоа вреди да се проба.
"ТРАКА, ГУМА ИЛИ СИЛОКОН? ЕФТИНИ РЕШЕНИЈА!"
Друго можно решение е силиконот. Овој начин на изолација е практичен zа прозорите,вратите каде што нема можност за изолација со помош на трака. За овој проект потребни се акрилен силiкон, фолија за во кујна, салотејп и скалпел. Постапката е едноставна а резултатите ќе Ве изненадат. Најпрво треба да се исчистат рамките од прозорите или вратите за да може да се нанеси силоконот. Нанесувајте силикон колку што сметате дека е доволно. Оставете да се исуши 24 часа. Потоа, со скалпел одстранете го вишокот силикон.
Уште едно решение за кое ќе Ви биде потребна професионална помош е поставувањето алуминиумски летви или гуми на прозорците и вратите. Гумата е двојно решение. Освен топлотна изолација дополнително ја изолира бучавата од надвор. За која варијанта и да се одлучите, Вашиот дом ќе биде потопол, сметките ќе се намалат, а Вие ќе бидете задоволни.
