ОДРЖУВАЊЕ НА ДРВЕНИ ПОВРШИНИ ВО ДОМОТ

  • 1

Дрвото е најзастапен материјал во домот. Без разлика дали станува збор за под, орман, кревет или некој друг елемент како дел од мебелот дрвото има потреба од одржување со што би се продолжил неговиот животен век.

Грижете се за деловите од мебелот кои што се дрвени а не се експонирани. Истите се оштетуваат со текот на времето па затоа добро е да користите средства кои ќе го негуваат дрвото а ги има во секое домаќинство- 1/4 лимонов сок во комбинација со 3/4 маслиново масло кои ќе го вратат сјајот на мебелот. За да ги заштитите антиквитетите доволно е само еднаш на два месеци да ги исчистите со памучна крпа на која што во мала количина ќе нанесете ленено масло. Парафинското масло нема боја и мирис па затоа е идеално за оваа намена, доста е ефтино и може да го пронајдете во било која продавница за бои и лакови.

Позитивната страна на мебелот изработен од дрво е тоа што во секој момент може да биде реставриран. Можеби во домот имате некоја масичка или орманче кои ги чувате од сентиментални причини. Можете да ги разубавите со мал зафат. Бојадисајте ги по желба- потребни ќе ви бидат прајмер, боја и лак. Доколку пак, сте се соочиле со ситуација да го „извалкате“ подот, масичката или столот со восок има решение да се ослободете од истиот. Најпрво ставете коцка мраз над восокот за да се зацврсти потполно. Потоа, што е можно повеќе од восокот истружете го со помош на некој пластичен или не аброзивен предмет како што е ножот за путер или ленир. Откако ќе одстраните поголем дел од восокот земете чиста мека крпа на која што ќе капнете малку восок за одржување на дрво и пополека ќе го нанесете врз преостанатиот восок се додека не го одстраните. Друг начин за одстранување восок е со помош на фен за коса. Уклучете го фенот на средна јачина и насочете го кон извалканото место. Кога восокот ќе почне да се топи исчистете го со мека крпа на која ќе нанесете разредена киселина полирајќи како и вообичаено.

"ПАРКЕТ НЕ СМЕЕ ДА СЕ ЧИСТИ СО ВОДА"

Дрвото во домот би го заштитиле доколку избегнувате користење на било каква сапуница која со тек на времето го одзема природниот сјај на истото. На пазарот има средства наменети за чистење на дрво во две нијанси – темна и светла. Доволно е еднаш месечно со мека памучна крпа да ги исчистите површините од дрвото. Лакираните површини треба да се одржуваат со средства за чистење наменети за истите. Тоа средство може да биде во облик на концентрат кој треба да се раствори во вода или распрскувачки. Подот претходно треба да биде добро исчистен. Паркетот не смее да се чисти со вода.

Дрвениот накит мора правилно и редовно да се одржува затоа што со текот на времето станува сув и го губи сјајот. Пријатен е за носење на ниски зимски температури, лесен и не се лизга. Се одржава со минерални масла или масло од јојова и не треба да доаѓа во допир со вода.

Претходен напис

БОРБА ПРОТИВ ВЛАГА

Следен напис

ЗАВЕСИ ВО ДОМОТ

Compare listings

Compare