ЦРВЕНO, ЦРНO- БЕЛА КОМБИНАЦИЈА ЗА ВПЕЧАТЛИВ ЕНТЕРИЕР

  • 1

Во становите кои располагаат со мал простор, односно квадратура или со отворен распоред на просториите потребно е внимателно избирање на палетата на основни бои кои ќе бидат застапени во ентериерот. Светлите бои прават просторот да делува посветло, додека впечатливите бои го одвлекуваат вниманието кон одредениот дел од тој простор кој сакаме да го истакнеме. Боите ни помагаат да сокриеме одредени недостатоци во домот а исто така да ги истакнеме најдобрите делови.

На фотографиите се претставени простории кои се уредени во знакот на црвената, црната и белата боја. Белата боја најчесто служи како основа за црната и црвената боја кои истовремено го прават просторот едноставен но и разигран.

Црвената боја е најдинамична боја но делува вознемирувачки доколку се аплицира на поголема површина. Преку неа се изразува шарм и елеганција, додека темните тонови на црвената боја симболизираат сериозност и достоинственост. Затоа треба да се внимава при нејзиносто нанесување бидејќи може да предизвика нестрпливост, нервоза и иритација кај лицата кои присуствуваат во просторијата.

“ЦРНО-БЕЛ ОДНОС ЗА ЕЛЕГАНЦИЈА ВО ПРОСТОРОТ”

Од друга страна црната боја симболизира таинственост, мистичност, независност, со себе носи меланхолија но и елеганција. Но, не треба да се претерува со оваа боја затоа што го затемнува просторот. Црно-белиот однос е одличен за постигнување елеганција во просторот. Искористете ја оваа боја внесувајќи ја во просторот на пример како гарнитура со што ќе го направите просторот да делува полуксузно.Нанесувајќи ја на ѕидот во вид на вертикални линии визуелно просторот ќе делува подолг.

Просторот може да го направите поинтересен и функционален доколку додадете одредени детали како железна ограда на која би поставиле сакции со цвеќа, или едноставно би го поставиле телевизорот. Оваа ограда може да користи и како параван, ѕид кој ги одделува различните целини во просторот. Црвената боја е идеална за нагласување на одредени сегменти или детали , па така на пример може да го бојадисате радијаторот во оваа боја, додадете елементи во кујната кои ќе бидат црвени или пак некои интересно дизајнирани завеси.

Compare listings

Compare