ЦРНА БОЈА ВО КУЈНА

  • 1

Кујната во црна боја креира доза на гламур во ентериерот. Иако многу се плашат да експериментираат со црна боја изненадувачки е колку оваа боја може широко да се примени како основа или како детал. Создавањето на елегантна или драматична кујна се незамисливи без црна боја. Бојата од кои многумина бегаат водејќи се од стравот за тешко одржување или затемнување на амбиентот, може да се користи како детал и како таква да се прилагоди на остатокот од станот.

ДОПИР НА МОДЕРНОТО. Модерните мат тонови и кујнски материјали на елементите се одличен избор за создавање современа атмосфера и удобен дом. Идеален пример за тоа како црната боја лесно се комбинира со природни нијанси на дрво, може да видете на сликите, кои презентираат поинаков начин на сваќање на црните тонови во просторот во кој се готви.

ПРЕТЕНЦИОЗНА БОЈА ЗА ОДЛУЧНИТЕ. За љубителите на црна боја и оние кои се одлучни да црната боја владее со кујнскиот простор од сликите може да добијат идеја како би ги искомбинирале бојата на ѕидовите, подот и кујнските елементи. Идејата кујнските елементи да бидат црни, а остатокот од ентериерот во ведри нијанси се покажува како одличен декоративен пристап.

"ЛЕСНА ЗА КОМБИНИРАЊЕ СО ДРВО"

ТОПЛА И ПРИВЛЕЧНА КУЈНА. Со комбинација на црната боја и топли бои се создава таканаречена машка амтосфера. Сите кои сакаат декорирање со цигла, ова е одлична идеја за комбинирање со што ќе се добие опуштен простор за дружење, готвење и уживање. Без разлика дали станува збор за традиционален или модерен дизајн на кујна, црно – белата кујна може да биде топла и привлечна. Фокусот во уредувањето и постигнување на овој амбиент може да биде едноставната комбинација – елементи – островче – под. Природното осветлување, светлите тавани и ѕидови од цигла совршено се вклопуваат во кујна со класичен стил.

ЖИВОПИСЕН ПРОСТОР. Свежиот избор на бои со црни кујнски елементи и апарати од челик го подигнуваат расположението во домот. Веселата атмосфера со јаки контрасти кои може да се постигнат и со бела боја, создава фокусна точка во станот и совршена гламурозна атмосфера. Црната е интригантна и визуелно посебно интересна боја која со архитектноски детали во ентериерот создава фантастична атмосфера. Со вистинските совети црната боја на голема врата може да влезе во секој дом.

Извор: http://enterijer.ba

Compare listings

Compare