ШТО КАЖУВААТ БОИТЕ ВО ЕНТЕРИЕРОТ ЗА ВАС

  • 1

Преку начинот на уредување и боите кои ги употребуваме во ентериерот ја изразуваме нашата личност. Повремено боите ги менуваме меѓутоа поголемиот дел од нас се задржуваат на одредени нијанси. Тој избор кој го правиме не е случаен. Во продолжение следи што кажуваат боите во домот за Вашиот карактер.

Ведри и топли тонови на жолта боја. Жолтата, портокаловата и бојата на праска се ведри бои кои асоцираат на сонце и оган- на отворена особа која што е преполна со животна енергија. Лицата кои најчесто ги користат овие топли тонови се доста добро расположени и дружељубиви. Оние пак на кои им е омилена жолтата боја се доста интелигентни особи со авантуристички дух, а пред се се лица кои ја ценат слободата. Топли нијанси на бои во ентериерот го прават енергичен, интимен, стимулираат разговор и апетит, додека ладните бои визуелно го прошируваат. За да ја намалите „температурата“ во домот комбинирајте жолти тонови со сино-сиви и зелени нијанси, додека портокаловите со црна боја.

Нежни, пастелни нијанси. Личностите во чиј дом преовладуваат нијанси на пастелно сина, зелена или боја на кајсија се обожаватели на природата. Тие бои ги потсетуваат на небо или пространо поле и им внесуваат мир во домот. Благодарение на намалениот интензитет на топлина и ведрина, сината боја и одговара на очите. Доколку во Вашиот ентериер доминираат зелена боја и нејзини сродни нијанси значи домот делува на оаза на мирот во овој раздвижан свет. Лицата кои ја преферираат оваа боја се повлечени во себе, срамежливи и тивки. За да внесите мала енергија во ентериерот треба да се искомбинираат овие пастелни тонови со жолт, портокалов или кафеав мебел или детали.

"КОМБИНИРАЈТЕ ЖОЛТИ ТОНОВИ СО СИНО-СИВИ НИЈАНСИ"

Елегантни бои на скапоцени камења. Нијансите на рубин, сафир, аметист или топаз во домот се за особи кои преферираат раскош и лукзус. Тие се отворени, креативни и елегантни личности. Сјајот на скапоцените камења е совршен за покривање на одредени мани- ентериерот станува гламурозен и удобен. На пример, тоалетот во кој доминира морнарско сина боја делува темно, додека нијанса на сафир делува динамично. Комбинирајте елегантни тонови со неутрални или бои со сличен интензитет. Користете ги во простории во кои не поминувате премногу време како на пример трпезаријата, ходникот или тоалетот.

Стабилни, неутрални тонови. Нијансите на мермер, сива, кафеава, беж, слонова коста или гранит оставаат впечаток на присутност. Доколку во Вашиот дом преовладуваат неутрални тонови, сигурно сте практична и стабилна личност која не ги прати трендовите. Ѕидовите со земјени нијанси делуваат неупадливо а истовремено овозможуваат додавање на смела комбинација на мебел. Меѓутоа некои ги сметаат за досадни. Доколку сакате да го оживеете Вашиот дом додадете детали со дрвени, стаклени или метални површини. Направете контраст со помош на боите и материјалите за да Вашиот животен простор не делува стерилно и обично.

Compare listings

Compare