Најинтимен дел од секој дом претставува бањата. Последниве неколку години на овој простор му се посветува многу повеќе внимание, при што има претрпено значителни промени и трансформации. Меѓу најновите трендови се форсира одстранувањето на стандардните ѕидови и спојување на истите со делот од спалната соба. Спалната соба се одделува од бањата со параван, минимални гипсани или стаклени ѕидови, односно полуѕидови за чија изградба се користат стаклени цигли. На сето тоа се надоврзува користењето на светли бои во купатилото, најчесто бела која одлично ја пратат бои кои потсетуваат на природа. Ефектот кој се постигнува на овој начин е да се почувствувате како да се наоѓате во некој wellness центар. На овој начин ќе си дозволите опуштање и релаксација без дополнително губење време и пари.
Бањата во главно е најмалата просторија во секоја куќа или стан. Доколку станува збор за дом во кој има повеќе членови неминовно е да се создава ред пред бањата. Дали некогаш сте помислиле колку е добро и корисно доколку имате свој простор во кој што ќе може да се истуширате без притоа да му пречите на некого? Најлесно ова може да го остварите доколку станот/куќата се во изградба. Спојувајќи ги овие два сегменти се создава соба во која се чуствува слободен карактер, но притоа мора да внимавате да не поставите премногу елементи во просторот па истиот да делува затрупан.
Притоа, во бањата може да додадете детали од природен карактер, како спомени од море, планина и сл. Но, најпрвин акценот се става на големите детали во бањата. Доколку плочите се со темна боја, заменете ги со светли. Пластичните елементи на кои ја поставувате козметиката и другите ситници не се усогласливи со новиот изглед на бањата. Поставувањето камчиња на различни делови од бањата е апсолутно модерно и актуелно како и ситни симболи од море- школките. За максимално уживање и совршено освежување на просторот искористете ги миризливите свеќи поставени на различни места. За да сте во тек со новиот тренд поврзан со бањата мода да поставите и одредени растенија. Еве еден предлог- стаклена вазна со бамбус која со својот минималистички изглед одлично ќе се вклопи во просторот. Покрај убавиот изглед делуваат и делотворно- ја абсорбираат влагата. Новите трендови препорачуваат покрај поставување завеси на прозорците, завеси со контрасни бои и текстурални површини во однос на останатата санитарна опрема, потоа модерни радијатори кои имаат фина улога на држач на крпи, крпи во шарени бои, огледала со интересни рамки и сл.
"ТЕМНИ НИЈАНСИ НА ДРВЕНИ ЕЛЕМЕНТИ СЕ ИДЕАЛНИ ЗА ПОСТАВУВАЊЕ ВО КУПАТИЛА "
Во однос на употребата на дрво во бањата до пред извесно време се сметало дека само одредени луѓе може да уживаат во убавината, екстраваганцијата и топлината која ја создава овој материјал. Било кој дрвен елемент во овој случај мора да има квалитетно обработена површина која е заштитена од вода и влага. Се препорачува елементите да не се поставуваат директно на подот, туку подкренати на ногалки. Темни нијанси на дрвените елементи се идеални за поставување во купатила со голема природна светлост.
На нашите простори сауната за жал ретко се користи, меѓутоа на сите не подсетува на просторија во која доминиира дрво чија главна цел е релаксација и одмор. Направете во Вашата бања да се почувствува тој шарм на сауната така што ќе поставите интересна полица за весници на која може да ја искористите за тоалетна хартија. За да го почувствувате рустичниот дух, замислувајќи се себеси како да сте на некоја едрилица со која пловите, обложете ги ѕидовите со патос. Притоа максимално внимателно мора да се обработат слоевите на дрвото кое не смее да има пукотини низ кои би навлегла вода. За тоа мора да се користи специјален лепак како и да се излакира повеќе пати. И за крај, за се постигне магичен изглед на бањата мора да се внимава на славините кои ќе се постават. Внимавајте на квалитетот и материјалот кој потоа треба да се одржува кога станува збор за избирање на славина, како и особено да се земат во предвид абразивните средства за чистење кои може да го уништат сјајот на истите.
