ДАЛИ БАМБУСОТ МОЖЕ ДА ЈА ЗАМЕНИ ЧЕЛИЧНАТА АРМАТУРА?

  • 1

Материјалите од органско потекло биле користени во конструкцијата на градби уште во поодамнешни времиња и се покажале како одличен избор. Бамбусот начол примена како скелет на структури долг временски период но подоцна бил заменет со челик. Сеуште се користи во некои рурални средини во Индија и Африка за градење на колиби од кал. Согласно неговата моќност кога е исушен, бамбусот се користи како појачување на структурата кај помалите објекти.

Овој иновативен зелен материјал може да го замени еколошки непријателскиот челик. Неговите предности се многубројни. Трошоците за производство се мали, има помала тежина, лесен за транспорт и сечење, не корозира и природно е обновлив без потреба за повторно насадување. Бамбусот има способност да абсорбира големо количество јаглерод диоксид поради брзото растење со што го прочистува воздухот. Шуплив со цевчеста структура која се приспособила да опстојува на силни ветрови и природни неприлики.

Природно обработените влакна на бамбусот со додаток на лепак заедно формираат водоотпорен и исклучително издржлив композитен материјал кој е замена за челикот во бетонските конструкции. Бамбусот припаѓа на фамилијата треви, доста е отпорен и присутен во природата. Супериорен во однос на дрвото, па дури и од челикот. Сеуште градежниците истражуваат која е најдобрата алтернатива за искористување на истиот при бетонирањето.

"АБСОРИРА ГОЛЕМО КОЛИЧЕСТВО CO2"

Меѓутоа постојат и недостатоци како и кај секој материјал. При температурни промени и апсорција на вода бамбусот се шири и собира. Особено ситуацијата се влошува кога доаѓа во допир со солената вода од морињата и океаните која го корозира бамбусот за краток период. Како што се зголемува бројот на поплави, земјотреси и суши како знаци кои потсетувааат на глобалното затоплување бамбусот не е препорачлив како арматура поради краткиот временски период на опстојување иако е поефтин.

Од друга страна проблеми се јавуваат со сеизмичката страна на конструкцијата. Нема сомневање дека челикот е цврст и поотпорен на сеизмички сили, оставајќи ја градбата не променета. Бамбусот е растение кое нема долготрајност како челикот.

Compare listings

Compare