СЈАЈОТ НА БАКАРОТ ВО ДОМОТ

  • 1

Бојата на овој метал внесува топлина во амбиентот правејќи го удобен, елегантен и луксузен. Од бакарот се прави мебел, декоративни предмети, ѕидни плочки, лампи, лавабоа, делови за кујната, садови…

Без разлика дали станува збор за монохроматски и модерен или пак рустичен и природен, бакарот лесно се усогласува во просторот, нагласувајќи го истиот или создавајќи контраст.

Може да се користи како детал или акцентот да е ставен на него, може да ги бојадисате ѕидовите и таваните во нијанса на рѓа, да поставете завеси со истите нијанси, тепих, постелнина за кревет, декоративни перничиња, но не претерувајте за да не изгледа пренатрупано.

"ВИСТИНСКОТО МЕСТО НА БАКАРОТ Е ВО КУЈНАТА"

За дизајнерите особено се инспиративни бакарните кади кои во бањата внесуваат дух на изминато време, но и модерните лустери и лампи со овални обици кои се идеални за трпезарија, дневна и спална соба. Сепак, вистинското место на бакарот е во кујната. Декорирајте ја со различни бакарни садови, поставуваќи ги таму каде што би биле забележани со што црвенкасто – кафеавиот сјај ќе дојде до израз.

Маси или столови во тон на рѓа може да бидат Вашиот избор, било да се направени од бакар или бојадисани во таа нијанса. Со мало вложување, топлината на бакарот може да се пренесе и преку вазните, свеќниците или ѕидни украси. Секако, за металот да има совршен сјај мора редовно да го чистите. Натопете половина лимон во сол и со таа смеса нежно поминете ги површините. Ако повеќе сакате патина (тенок слој – благородна рѓа која се јавува како последица на оксидацијата на подлогата) отколку сјај, треба да знаете дека совршено се вклопува со дрво, бела боја и пастелни тонови.

Извор: www.enterijer.ba

Compare listings

Compare