Topmix Permeable е порозен асфалт кој може да пропушти и до 600л вода на метар квадратен во минута, со што во иднина би можел да спречи поплави и спаси човечки животи.
Секоја година низ светот се случуваат катастрофални поплави. Сведоци сме на обилни врнежи, меѓутоа најголемиот проблем во градовите е што одводите по улиците и тротоарите многу брзо се затрупуваат и започнуваат да се излеваат. Решението е следно- новиот вид на асфалт- Topmix Permeable. |
Компанијата Lafarge Tarmac понудила решение, таканаречен жеден асфалт. Овој асфалт може да пропушти неверојатна количина на вода- 600 литри по метар квадратен секоја минута, што е повеќе од доволно за било која непогода.
"ПРОПУШТА ДО 600 ЛИТРИ ВОДА ВО МИНУТА"
Демонстрацијата ја извеле така што излеале 4.000 литри вода на овој материјал. Водата не можела да се рашири по асфалтот ни на 10 квадратни метри. Овој асфалт има доста примени, на пример дел од страните на улицата да се изработат од овој асфалт, така што водата од непропустливиот асфалт би се насочувала врз овој асфалт кој ќе ја впива и слива водата низ канализацијата или подземните води.
Интересно е тоа што не се загрева во топли временски услови како и обичниот асфалт, додека единствен недостаток е тоа што може да биде проблематичен во ладните краеви каде што температурите се ниски од причина што многу ладната вода може да го оштети.
