Кујната е многу важен дел од домот, особено за оние кои дел од денот го поминуваат токму во неа. Доколку сакате да имате нова кујна, а не можете тоа да си го дозволите, постојат неколку начини да го освежите изгледот на старата, а притоа да не потрошите многу пари.Што може да направите?
Доколку елементите во кујната се здрави, променете ги само вратничките. Ова е една од поскапите варијанти, но сепак е доста поефтина од потполно менување на сите елементи. Наместо нови вратнички, може да ги префарбате старите. Се разбира, тоа треба да го направи некој кој има искуство со фарбање на мебел, бидејќи сами не би можеле да ги исфарбате вратничките. Доколку се одлучите за оваа варијанта, за неколку дена вашата кујна ќе добие сосема нов лик. Може да направите интересна комбинација на бои, долните елементи да бидат во една, горните во друга боја и слично.
Ако и ова ви е скапо, тогаш барем заменете некои ситници во кујната. Започнете од рачките. Ако оние кои ги имате веќе се стари и оштетени, заменете ги со нови.
"КОМБИНАЦИЈА НА БОИ ЗА ОСВЕЖЕН ИЗГЛЕД НА КУЈНАТА"
Сменете ја и завесата во кујната, стариот лустер заменете го со некоја модерна плафоњерка, а потрудете се убаво да ја исчистите и работната површина. Сè што не мора постојано да е на дофат на рака, тргнете во некоја фиока, ставете некој интересен украс на работната маса, земете ја најубавата кујнска крпа која долго ја чувате и почнете да ја користите, обојте ги ѕидовите во друга боја…
Ваквите навидум мали и неважни ситници ќе внесат топлина во кујната, и иако промените ќе бидат сосема мали, Вие сигурно ќе ги забележувате и ќе уживате во нив. |
Извор: извор : mojportal.mk
