ВО ПРЕСРЕТ НА ПРОЛЕТТА- ИЗБЕРЕТЕ ГО ВИСТИНСКИОТ ПОД

  • 1

Сончевите и убави денови пополека започнуваат, а со тоа и првите пролетни реновирања и уредувања на домот. Како што се започнува од одредена основа така и подот е најважна ставка во реновирањето доколку се пристапува кон поголем зафат за реновирање и адаптација на просторот. Кога реновирате или правите некоја промена мора да внимавате при изборот на подлогата која што ќе ја поставите. Притоа треба да се земат во предвид практичноста, цената и трајноста. На пример, килимите се меки и удобни за движење меѓутоа во простории во кои има влажност како купатилото истите се оштетуваат.

Најпрво мора да се внимава на подлогата врз која ќе се поставува подот. Препуштете ја истата на стручњаци за да се осигурате дека кога ќе го поставувате подот кој го посакувате нема да имате било какви нерамнини на истиот. Доколку сакате да да оставете впечаток на голем простор и ѕидовите ги бојадисате во неутрални бои, размислете во поглед на бојата на подот која треба да зрачи топлина. Сакате да ги одстраните радијаторите? Решението е подно греење, но најпрво проверете дали подлогата е погодна за истото. Килимот пак, иако дава чувство на раскош е тежок за чистење и одржување па затоа не е прикладен за било кој дел од домот. На подот кој што е во една боја било какво оштетување се забележува побрзо за разлика од шарените, разиграни подови. Еве неколку предности и недостатоци на различни материјали кои се поставуваат на подот.

КИЛИМИ има најразлични, од скапи волнени до најефтини синтетички кои што се лесни и удобни за одење. Предност на килимите е тоа што може да ги најдете на пазарот во различна варијанта- изработени од разни материјали, во разни бои и форми. Како нивна слабост се јавува тоа што трајноста на килимот се одржава со редовно чистење, а синтетичките влакна лошо реагираат на волна.


Подлогата пак од ПРИРОДНИ ВЛАКНА како морска трева, кокос, јута нуди топол, природен изглед. Нејзина предност е што е долготрајна и природна замена за волнен и синтетички килим. Ја има декорирана во различни бои. Најголема негативност на овој вид на подна облога е тоа што е тешко темелно да се исчисти. Не е погодна за во кујна или простор каде што има директно влијание на сончевите зраци.

"ЛИНОЛЕУМ-ТРАЕН И ЛЕСЕН ЗА ОДРЖУВАЊЕ"

Ефтина подна подлога во споредба со другите природни материјали е ПЛУТАТА. Како предност се јавува тоа што е топла и мека, ефтина, отпорна на нечистотија и нема потреба од стручна помош за лакирање. Недостаток е тоа што е еднолична. Освен тоа, плочките се само прилепени па може да се подигнат додека оштетените плочи од вода мора да бидат заменети.


ГУМЕНАТА подлога може да се купи на парчиња како плочки. Исклучително трајна и водоотпорна. Лесна и мека за движење. Како мана се јавува тоа што е скапа и се продава само во специјализирани продавници и мора да биде поставена од искусен мајстор.

Друг вид на поден материјал е винилот. ВИНИЛОТ е ефтина пластична маса која може да се набави на пазарот и во форма на плочки. Има голем избор на боја и примероци. Ефтин, и лесно се поставува на рамна површина, долготраен и водоотпорен, мек и тивок, не лизгачки материјал. Меѓутоа треба да се земе во предвид дека со текот на времето може да избледи, делува наметливо и на нерамна површина може да се насобере.

Од друга страна пак како цврст и отпорен на вода се јавува РЕЛЈЕФНИОТ ВИНИЛ кој може да се набави во различни бои и текстури. Тој е траен и лесно се поставува на неправилно обликувани простори. Недостатоци е тоа што абразивните средства за чистење го оштетуваат, мебелот кој што нема тркала остава траги и лесно се валка. 

ВИНИЛНИТЕ ПЛОЧКИ се прикладни за различни простории и изборот на бои им е огромен. Предност е тоа што со резервните плочки може да се заменуваат старите оштетени плочки на брз и лесен начин. Нивен недостаток е тоа што слабо прицврстените краеви лесно се кинат и на лошите спојувања пропуштаат вода како и лесно се оштетуваат.

ЛИНОЛЕУМОТ пак е направен од природни состојки, траен и не бара некое посебно одржување. Мирна и топла површина која го ублажува звукот на чекорите. Поскап е од винилот и треба да биде поставен од стручно лице бидејќи ако не е добро наместен може лесно да се оштети.

Извор: www.enterijer.ba

Compare listings

Compare